რა იპარავს ინტერნეტს?

ComCom-ისთვის აბონენტების უფლებების დაცვა და მათთვის ხარისხიანი სატელეკომუნიკაციო სერვისების მიწოდება მთავარი პრიორიტეტია. ჩვენს მიერ ჩატარებული კვლევის მიხედვით კი, აბონენტების 26%-ს, რომელთაც კომპანიების მიერ გადაცემული უფასო Wi-Fi როუტერები აქვთ, იმაზე ნაკლები სიჩქარით მიეწოდებათ ინტერნეტი, ვიდრე ეს ხელშეკრულებითაა გათვალისწინებული. ამ პრობლემის ერთ-ერთი მთავარი მიზეზი კი მოძველებული Wi-Fi როუტერია, რომელიც ტექნიკურად ვერ უზრუნველყოფს იმ სიჩქარის გატარებას, რომელიც აბონენტს კომპანიებისგან ხელშეკრულებით აქვს შეძენილი.

წაიკითხე მეტი კვლევის შესახებ

როუტერის გამტარუნარიანობაზე მოქმედი ფაქტორები

თაობა

Wi-Fi-ის მუშაობაზე მნიშვნელოვან გავლენას ახდენს როუტერის თაობა. ძველი თაობის როუტერები მუშაობდნენ, მხოლოდ ერთ სიხშირეზე — 2.4 ან 5 GHz-ზე. ახალი თაობის, Wi-Fi 5, 6, 6E და 7 როუტერები ორ ან სამ სიხშირეზე მუშაობენ, რაც უზრუნველყოფს ინტერნეტისუკეთეს სიჩქარეს. ოფიციალური მხარდაჭერის მიუხედავად Wi-Fi 4 თაობის მოწყობილობების უმეტესობას არ აქვს 5 GHz სიხშირის მხარდაჭერა.

კონფიგურაცია

მნიშვნელოვანია არა მხოლოდ როუტერის თაობა, არამედ მისი სწორი კონფიგურაცია. როუტერის დაყენებისას აუცილებელია გარემოს კარგად გაცნობა და შესაბამისი არხის შერჩევა, რომელიც იმ სივრცეში ყველაზე ნაკლებად გამოიყენება. საუკეთესოა მოწყობილობა, რომელსაც აქვს ავტომატური არხის შერჩევა — ის თავად აანალიზებს გარემოს და ირჩევს ოპტიმალურ სიხშირეს.

მომხმარებლის მოწყობილობა

იცოდი, რომ Wi-Fi კავშირის ხარისხი დამოკიდებულია არა მხოლოდ როუტერზე, არამედ მომხმარებლის მოწყობილობაზეც (ლეპტოპი, ტელეფონი, პლანშეტი)? ორივე მხარეს უნდა ჰქონდეს შესაბამისი პარამეტრები. მაგალითად, თუ თქვენს მოწყობილობას 5 GHz მხარდაჭერა აქვს, როუტერიც იმავე სიხშირეზე უნდა მუშაობდეს.

განთავსება

როუტერი მუშაობს რადიოსიხშირული სიგნალით, ამიტომ მისი სწორად განთავსება გადამწყვეტია. რაც უფრო შორს ვართ როუტერისგან, მით სუსტია სიგნალი და სიჩქარე. სიგნალს მნიშვნელოვნად ასუსტებს ბეტონის და აგურის კედლები, ასევე სარკეები, ბეტონის ან აგურის გადახურვა. არ არის რეკომენდებული როუტერის განთავსება სამზარეულოში, ლითონის გამათბობელთან, დინამიკებთან, კარადაში, მაცივართან ან ნესტიან სივრცეში. ეს ყველაფერი სიგნალის ხარისხს ამცირებს.

ანტენები

როუტერი შეიძლება იყოს გარე ან შიდა ანტენებით. შიდა ანტენიანი როუტერი სიგნალს ასხივებს მხოლოდ წინა პანელიდან, ამიტომ როუტერი უნდა განთავსდეს ვერტიკალურ მდგომარეობაში და მონტაჟისას პანელი უნდა იყოს მიმართული მიმღებ მოწყობილობებისკენ. გარე ანტენების შემთხვევაში, მათი მიმართულების შეცვლით შეიძლება სიგნალის გავრცელება სხვადასხვა ზონაში.

რადიო დაბინძურება

როუტერის მუშაობაზე გავლენას ახდენს სხვა როუტერები ან რადიო მოწყობილობები (მაგალითად კორპუსში მეზობლის როუტერი), რომლებიც იმავე (2.4, 5 ან 6 GHz) სიხშირეებზე მუშაობენ. სიგნალების გადაფარვა იწვევს ჩახშობასა და სიჩქარის შემცირებას. ამიტომ აუცილებელია გარემოს წინასწარი ანალიზი და ისეთი Wi-Fi-ის სიხშირული არხის ან მოწყობილობის შერჩევა, რომელიც მინიმუმამდე ამცირებს ინტერფერენციას. ან ისეთი როუტერის დაყენება, რომელსაც თავად შეძლია სიხშირის შეცვლა.

მომხმარებელთა რაოდენობა

Wi-Fi-ის სიჩქარე ნაწილდება ყველა დაკავშირებულ მოწყობილობასა და მომხმარებელზე. რაც უფრო მეტია მომხმარებელი, მით ნაკლებია თითოეულის სიჩქარე. მაგალითად: თუ იყენებთ მოწყობილობას რომლის მაქსიმალური სიჩქარეა 54 Mbps და მასზე დაკავშირებულია ორი მომხმარებელი, მაშინ თითოეულის სიჩქარე იქნება 27 Mbps, ხოლო 4 მომხმარებლის შემთხვევაში 13,5 Mbps.

ციფრული კამპანია

სად უნდა განათავსო როუტერი

ხშირად დასმული კითხვები

ამის გასაგებად ჯერ შეამოწმე როუტერის ქვედა მხარე, იქ ჩვეულებრივ აწერია მოდელის სახელი და სტანდარტი (მაგალითად, Wi-Fi 4 (802.11n), Wi-Fi 5 (802.11ac), Wi-Fi 6 (802.11ax) ან Wi-Fi 6E / Wi-Fi 7). თუ ეს ინფორმაცია მითითებული არ არის, შეგიძლია დაურეკო შენს ინტერნეტ პროვაიდერს ან მოძებნო მოდელის ნომერი ინტერნეტში — მოდელის მიხედვით მარტივად გაიგებ, რომელი თაობისაა მოწყობილობა. თუ შენი როუტერი Wi-Fi 4 ან უფრო ძველი თაობისაა, რეკომენდებულია მისი განახლება Wi-Fi 5 ან უფრო ახალ მოდელზე, რათა მიიღო მაქსიმალური სიჩქარე და ხარისხი.

განსხვავება სიჩქარესა და გამტარობაზეა. Wi-Fi 6 უზრუნველყოფს უფრო სტაბილურ და სწრაფ კავშირს, განსაკუთრებით მაშინ, როცა ბევრი მოწყობილობაა დაკავშირებული. მოკლედ — რაც უფრო ახალი თაობისაა როუტერი, მით უფრო სწრაფი და ხარისხიანია კავშირი.

Wi-Fi სიგნალის გაზომვა შეგიძლია პლატფორმა Sheamotsme.ge-ის დახმარებით. Wifi როუტერს და შესამოწმებელ მოწყობილობას შორის არსებული Wifi სიგნალის დონე მნიშვნელოვან გავლენას ახდენს თქვენი ინტერნეტის ხარისხზე. თუ თქვენი გაზომვის შედეგია -30 dBm-დან -40 dBm-ის ჩათვლით, მაშინ Wi-Fi როუტერსა და მოწყობილობას შორის სიგნალის დონე შესანიშნავია. თუ შემოწმების მაჩვენებელი -41 dBm-დან -60 dBm-ის დიაპაზონშია, სიგნალის დონე ძალიან კარგია. -61 dBm-დან -80 dBm-ის ჩათვლით შედეგი აჩვენებს რომ, სიგნალის დონე სუსტია, ხოლო იმ შემთხვევაში, თუ თქვენი მაჩვენებელი -81 dBm-დან -100 dBm-ის ფარგლებშია - როუტერსა და მოწყობილობას შორის სიგნალის დონე ძალიან სუსტია. ასევე, გამოიყენე სანდო აპლიკაციები, მაგალითად NetSpot — ის გაჩვენებს, რომელი თაობის როუტერი გაქვს, რომელ სიხშირეზე მუშაობს და როგორი ხარისხის სიგნალია კონკრეტულ დროს. NetSpot-ის გამოყენების ინსტრუქციის სანახავად დააჭირე აქ.

საშუალოდ, ყოველ 4-6 წელიწადში ერთხელ. ტექნოლოგია სწრაფად ვითარდება, და ძველი მოდელები ვერ უზრუნველყოფენ ახალ სტანდარტებს. ახალი როუტერები უფრო სწრაფი, უსაფრთხო და ენერგოეფექტურია.

შეამოწმონ საკუთარი მოდემის თაობა, განლაგება და პარამეტრები. საჭიროების შემთხვევაში განაახლონ მოწყობილობა Wi-Fi 5 ან უფრო ახალ სტანდარტზე — ეს მარტივი ნაბიჯი მნიშვნელოვნად აუმჯობესებს ინტერნეტის ხარისხსა და სიჩქარეს.

პირველ რიგში, მიმართე ინტერნეტ-პროვაიდერს — ისინი დაგეხმარებიან პრობლემის გადაჭრაში ან შემოგთავაზებენ ახალი როუტერის მონტაჟს. თუ პროვაიდერის მიერ უფასოდ მოწოდებული როუტერი მაინც ვერ მუშაობს სწრაფად და ხარისხიანად, პრობლემის საფუძვლიანად მოსაგვარებლად შეგიძლია ახალი მოწყობილობა თავადაც შეიძინო.